Як паведаміла “Раённаму весніку” намеснік дырэктара Чэрвеньскага лясгаса па ідэалагічнай рабоце Жанна Чарнавец, брыгада машыністаў лесанарыхтоўчай тэхнікі днямі завяршыла ліквідацыю наступстваў майскага ўрагану на бураломнай лесасецы плошчай 13,3 гектара ў Мсціслаўскім лясніцтве Горацкага лясгаса. Нарыхтавана 4 тысячы кубічных метраў драўніны.

Зараз яе адпраўляюць па чыгунцы, а таксама лесавозамі спажыўцам і ў свой дрэваапрацоўчы цэх.

12,7 гектара бураломных лесасек з нарыхтоўкай амаль пяці тысяч кубічных метраў драўніны распрацавалі работнікі Чэрвеньскага лясгаса ў Новабыхаўскім лясніцтве Быхаўскага лясгаса. Зараз яны працуюць у Тошчынскім і Варонінскім лясніцтвах гэтага ж лясгаса, дзе неабходна прыбраць пашкоджаныя бураломам дрэвы на 6 і 8 гектарах, адпаведна.

Яшчэ шэсць гектараў трэба распрацаваць у аднайменным лясніцтве Чэрыкаўскага лясгаса.

Ігнат ЛІПЕНЬ  

Статья вышла в газете "Районный вестник"